Udaan

Apni ik dunia hai meri kuch sapne hai mere bhi
bekhaufi se udna chahti hu mai chunane ko tinke
apne aashiyaan ke liye..
paron ki sarsaratahat sunana hai mujhe ..
havaon ki takrahat se ladna hai mujhe ..
zindagi meri hai ye amanat ni 
apne isharon pe chalna mujhe..
kuch adure sapne hai ankhon me jo 
leke chali hu sang sang unhe ..
najuk hai sapne mai najuk nhi ..
kale sayon se hai gujarna mujhe
chubhati hai najaren kyun puche saval
in raahon  pe chalna hai kya koi gunaah 
har shikari ki mujhe pe nigaah ..
mere apnon ko fikr hai aaj
apne hi sapnon ko pura kru mai ..?
is dunia me kya hai ye apraadh ?
sishe ke tukade rahoon me biche 
udana hai mujhko shikari ki najaron ke pas..
kyun hai itna bada aasmaan mere liye 
deevaron me aaj ..
door nikal jane ki hai chaah par ho rhi hai apnon ki parvaah ..
udati rahungi inhi dayron me mai ladti rahungi , chupati rahungi 
shikari nigaahon se mai ..
banaungi par mai ek anokha ashiyan ...
bekhaufi se bana ,sundar ke tinko se saja ..
majboot karungi mai apni pahchaan
fir hoga mera ye khula aasman 
bakhauf udungi le aajadi ki mashaal 
nanhi pariyon ko dikhaungi raah ...
bekhaufi ke aasmaan virasat me de jaungi sath .